Հարգելի հյուրին դիմավորեց ՀՄՀՖ-ի և Ս․ Մարիամ Աստվածածին Բարեգործական կենտրոնի վարիչ տնօրեն Օր․ Կարինե Ղուկասյանը։ Այնուհետև տեղի ունեցավ հանդիպում «Հայազդ» լրատվական կայքի խմբագիր Սահակ Շահմուրադյանի հետ։

 

Կենտրոնի պատասխանատուները նախ նշեցին, որ հաճելի է հանդիպել իրանահայ վաստակավոր իրավաբան և ազգային հասարակական գործիչ Տկն․ Մարո Այվազյանին ՀՄՀՖ-ի և Ս․ ՄԱԲԿ-ի շրջանակում։ Հարգելի հյուրը վերահաստատեց իր և Թեհրանի Աշխարհատեսների Հայկական կենտրոնի ամուր հասարակական և բարեգործական աջակցությունը զույգ կենտրոններին, համագործակցության ընդլայնման հնարավորությունները՝ խթանելու իրանահայ համայնքի հասարակական, մշակութային, կրթական, իրավական և բարեգործական աշխատանքների և հնարավորությունների զարգացմանը։

 

Հանդիպման ընթացքում զրուցակիցները քննարկել են իրանահայ համայնքի մշակութային, հասարակական և իրավական մի շարք հարցեր, ինչպես նաև Հայաստան-Իրան մշակութային և հասարակական հարաբերությունների ընդլայմանն ուղղված ջանքերի զարգացման հնարավորությունները:

 

Հանդիպման ընթացքում նաև խոսվեց համայնքային տարբեր հարթակներում փոխգործակցության հարցեր: Զրուցակիցները գոհունակությամբ արձանագրեցին իրանահայ համայնքային կյանքում, այդ թվում՝ մշակութային, սոցիալական, լրատվական և միութենական ու հասարակական հարցերին առնչվող և առկա համայնքային հարցերը լուծելու նպատակով կողմերի միջև համագործակցության փորձը:

 

Հանդիպման ավարտին քննարկվեց երկկողմ հարաբերությունների հետագա խորացմանը միտված քայլերն ու հնարավորությունները: