Քերոբյանը չի բացառում, որ 2024-ին կսկսվի «չոր նավահանգստի» և չոր ինդուստրիալ պարկի շինարարությունը
Հայաստանի էկոնոմիկայի նախարար Վահան Քերոբյանը հավանական է համարում, որ Գյումրիում «չոր նավահանգիստ» և չոր ինդուստրիալ պարկ կառուցելու ծրագիրը տարեվերջին հավանություն կստանա, իսկ 2024-ին կմտնի գործնական փուլ:
Քերոբյանն այս մասին ասել է ԱԺ-ում լրագրողների հետ զրույցում՝ պատասխանելով «Արմենպրես»-ի հարցին:
«Մենք պատվիրել ենք և հիմա իրագործման ընթացքում է խորը տեխնիկատնտեսական վերլուծությունը, որն անում է հոլանդական MTBS ընկերությունը: Ընկերության կողմից տրամադրված նախնական զեկույցը ցույց է տալիս, որ կա բավարար պահանջարկ՝ չոր ինդուստրիալ պարկի կառուցման համար: Ըստ պլանի՝ մինչև տարվա վերջ կունենանք վերջնական զեկույցը, որից հետո Հանրային ներդրումային կոմիտեն ևս մեկ անգամ պետք է որոշում կայացնի այդ ծրագիրը շարունակելու և համապատասխան ներդրումներ իրականացնելու վերաբերյալ»,-ասաց Քերոբյանը:
Նախարարը մեծ է համարում հավանականությունը, որ դեկտեմբերին Հանրային ներդրումային կոմիտեում քննարկումից հետո «չոր նավահանգստի» և չոր ինդուստրիալ պարկի ծրագրի իրականացմանը հավանություն կտրվի: Ըստ նախարարի՝ դա, հավանաբար, կլինի պետություն-մասնավոր գործընկերության մոդելով:
«Մենք պետք է փորձենք ներգրավել առաջնակարգ օպերատոր, որը կկարողանա բարձր մակարդակի կառավարում իրականացնել թե՛ ինդուստրիալ պարկի հատվածում, թե՛ լոգիստիկ հատվածում»,-ասաց նա:
Անդրադառնալով հարցին, թե արդյոք 2024-ին չոր նավահանգստի ծրագիրը կմտնի՞ գործնական փուլ՝ Քերոբյանը դրական պատասխան տվեց: «Կարծում եմ, որ 2024 թվականին մենք անպայման կանցնենք տենդերի նախապատրաստման և իրականացման փուլերով: Կարծում եմ՝ նույնիսկ կարող ենք հուսալ, որ 2024-ին որոշ շինարարական աշխատանքներ կսկսվեն»,-ասաց նա:
Նախարարն այս ծրագիրը ներկայացրել է նաև տարբեր երկրներում՝ Մեծ Բրիտանիայում, Չինաստանում, Արաբական Միացյալ Էմիրություններում և այլ տարբեր գործարար համաժողովներում: Քերոբյանի տպավորությամբ՝ այն բավականին լավ է ընկալվում: Հետաքրքրություն կա թե՛ Ծոցի երկրներից, թե՛ Հարավարևելյան Ասիայից:
Նմանատիպ Լուրեր
ՀՀ ԱԳ փոխնախարարն անդրադարձել է տնտեսական աճի բարձր տեմպերին
Դեկտեմբերի 15-ին ՀՀ ԱԳ նախարարի տեղակալ Պարույր Հովհաննիսյանը մասնակցել է Սևծովյան տնտեսական համագործակցության կազմակերպության (ՍԾՏՀԿ) անդամ պետությունների ԱԳ նախարարների խորհրդի (ԱԳՆԽ) առցանց 47-րդ հանդիպմանը։
Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Կառավարությունն իր դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը:
Թուրքական լիրան հասել է պատմական նվազագույնի
Երկուշաբթի թուրքական լիրայի նկատմամբ դոլարի փոխարժեքը պատմության մեջ առաջին անգամ գերազանցել է 29 լիրան՝ 1 դոլարի դիմաց։ Այս մասին են վկայում TradingView տերմինալի առևտրի տվյալները։
ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
Հայաստանի ազգային ժողովը վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև՝ մաքսային հարցերով համագործակցության և փոխադարձ օգնության մասին» համաձայնագիրը:
Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենական պետության բնական ռեսուրսների բազան հնարավորություն է տալիս շահագրգիռ երկրներին և տարածաշրջաններին լիովին ապահովել էներգետիկ ռեսուրսներով։
ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
Հայաստանի Հանրապետության սննդի անվտանգության տեսչական մարմնի իրականացրած սահմանային վերահսկողության արդյունքում նոյեմբերի 24-28-ը լաբորատոր անհամապատասխանության հիմքով, արգելվել է ՀՀ ներմուծել վտանգավոր սննդամթերք:
