Դեպի Եվրոպա գազի արտահանումը կրկնապատկելու Ադրբեջանի ծրագիրը վտանգված է, բանակցությունները փակուղում են․ Bloomberg
ԵՄ գազի արտահանումը կրկնապատկելու Ադրբեջանի ծրագիրը վտանգված է, բանակցությունները փակուղում են, գրել է Bloomberg գործակալությունը՝ վկայակոչելով իր աղբյուրներին։
Գործակալության հայտնած տվյալների համաձայն, Ադրբեջանը գազի արտահանման պայմանների շուրջ բանակցություններ է վարել ավելի քան 10 եվրոպական երկրների հետ, սակայն դրանք դեռ արդյունք չեն տվել։ Ադրբեջանական գազը գնելու հարցում դիրքորոշումները փոխվել են՝ պայմանավորված Եվրոպայում էներգետիկ ճգնաժամի թուլացմամբ։
«Եվրոպացի գնորդներն այժմ տատանվում են առաջիկա տասնամյակների կտրվածքով հանածո վառելիք օգտագործելու պարտավորություններ ստանձնելուց, ինչ վերաբերում է մյուս տարբերակներին, ապա օրինակ՝ հեղուկ բնական գազի լրացուցիչ մատակարարումները կսկսվեն մի քանի տարուց։ Ի տարբերություն մշտական խողովակաշարերի, հեղուկ բնական գազի նոր ենթակառուցվածքների մեծ մասում ներառված են լողացող տերմինալներ, որոնք, պահանջարկը նվազելու դեպքում, հնարավոր է փակել, անջատել և տեղափոխել այլ վայր։ Իսկ Ադրբեջանից խողովակաշարի ընդլայնման ժամկետները խնդրահարույց կարող են լինել, քանի որ կանխատեսվում է, որ 2027 թվականին շուկայում հեղուկ բնական գազի առաջարկի ավելցուկ կլինի»,- գրել է Bloomberg-ը։
araratnews.am
Նմանատիպ Լուրեր
ՀՀ ԱԳ փոխնախարարն անդրադարձել է տնտեսական աճի բարձր տեմպերին
Դեկտեմբերի 15-ին ՀՀ ԱԳ նախարարի տեղակալ Պարույր Հովհաննիսյանը մասնակցել է Սևծովյան տնտեսական համագործակցության կազմակերպության (ՍԾՏՀԿ) անդամ պետությունների ԱԳ նախարարների խորհրդի (ԱԳՆԽ) առցանց 47-րդ հանդիպմանը։
Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Կառավարությունն իր դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը:
Թուրքական լիրան հասել է պատմական նվազագույնի
Երկուշաբթի թուրքական լիրայի նկատմամբ դոլարի փոխարժեքը պատմության մեջ առաջին անգամ գերազանցել է 29 լիրան՝ 1 դոլարի դիմաց։ Այս մասին են վկայում TradingView տերմինալի առևտրի տվյալները։
ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
Հայաստանի ազգային ժողովը վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև՝ մաքսային հարցերով համագործակցության և փոխադարձ օգնության մասին» համաձայնագիրը:
Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենական պետության բնական ռեսուրսների բազան հնարավորություն է տալիս շահագրգիռ երկրներին և տարածաշրջաններին լիովին ապահովել էներգետիկ ռեսուրսներով։
ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
Հայաստանի Հանրապետության սննդի անվտանգության տեսչական մարմնի իրականացրած սահմանային վերահսկողության արդյունքում նոյեմբերի 24-28-ը լաբորատոր անհամապատասխանության հիմքով, արգելվել է ՀՀ ներմուծել վտանգավոր սննդամթերք:
