Սաուդյան Արաբիան թուրքերին առաջարկել է գնել «Bayraktar»-ներ արտադրող ընկերությունը
Թուրքիայի նախագահ Ռեջեփ Թայիփ Էրդողանի Ծոցի երկրներ կատարած այցերը մինչ օրս թուրքական մամուլի համար մեծ հետաքրքրություն են առաջացնում:
Մասնավորապես «Gazetepencere»-ում հրապարակված հոդվածում վերոհիշյալ հանդիպումների վերաբերյալ մի շարք պնդումներ են առաջ քաշվում:
Նախ ասվում է, որ Ծոցի երկրներում կքնված համաձայնագրերը ներդրումային ծրագրերի վերաբերյալ այդքան էլ հուսադրող չեն, քանի որ հիմնական հետաքրքրվածությունը եղել է Թուրքիայում վերականգնվող Էներգետիկայի ոլորտի շուրջ, ինչն էլ տնտեսության բարելավման տեսանկյունից ժամանակ է պահանջելու:
Ապա առաջ է քաշվում մի պնդում, ըստ որի՝ Սաուդիան Արաբիան մեծ հետաքրքրություն է ցուցաբերել Էրդողանի փեսային՝ Սելչուք Բայրաքթարին պատկանող «Baykar» ընկերության հանդեպ, որը զբաղվում է անօդաչու թռչող սարքերի արտադրությամբ:
Պնդման համաձայն՝ սաուդցիները ցանկացել են գնել ընկերության 100% բաժնետոմսերը՝ շուրջ 100 մլրդ դոլարով, սակայն «Baykar» ընկերությունը չի համաձայնել, քանի որ չէր պատրաստվում վաճառել բաժնետոմսերի 40%-ից ավելին:
Հիշեցնենք, որ Էրդողանը հուլիսի 17-19 ընկած ժամանակահատվածում այցելել էր Սաուդիան Արաբիա, Կատար և ԱՄԷ: Հիմնական օրակարգում եղել էին ներդրումային ծրագրերը: Հանդիպումներից հետո թուրքական կողմը հայտարարել էր մի շարք համաձայնագրերի կնքման մասին, որոնք հիմնականում կապված էին ներդրումների, ինչպես նաև պաշտպանական և տնտեսական ոլորտների հետ:
Նմանատիպ Լուրեր
ՀՀ ԱԳ փոխնախարարն անդրադարձել է տնտեսական աճի բարձր տեմպերին
Դեկտեմբերի 15-ին ՀՀ ԱԳ նախարարի տեղակալ Պարույր Հովհաննիսյանը մասնակցել է Սևծովյան տնտեսական համագործակցության կազմակերպության (ՍԾՏՀԿ) անդամ պետությունների ԱԳ նախարարների խորհրդի (ԱԳՆԽ) առցանց 47-րդ հանդիպմանը։
Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Կառավարությունն իր դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը:
Թուրքական լիրան հասել է պատմական նվազագույնի
Երկուշաբթի թուրքական լիրայի նկատմամբ դոլարի փոխարժեքը պատմության մեջ առաջին անգամ գերազանցել է 29 լիրան՝ 1 դոլարի դիմաց։ Այս մասին են վկայում TradingView տերմինալի առևտրի տվյալները։
ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
Հայաստանի ազգային ժողովը վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև՝ մաքսային հարցերով համագործակցության և փոխադարձ օգնության մասին» համաձայնագիրը:
Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենական պետության բնական ռեսուրսների բազան հնարավորություն է տալիս շահագրգիռ երկրներին և տարածաշրջաններին լիովին ապահովել էներգետիկ ռեսուրսներով։
ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
Հայաստանի Հանրապետության սննդի անվտանգության տեսչական մարմնի իրականացրած սահմանային վերահսկողության արդյունքում նոյեմբերի 24-28-ը լաբորատոր անհամապատասխանության հիմքով, արգելվել է ՀՀ ներմուծել վտանգավոր սննդամթերք:
